人無夢想，同條咸魚有咩分別？
我自細就好鍾意足球，基本上有波睇，咩都唔會放過。今年因為疫情，機緣巧合之下令我識到幾位年青人，我發覺，佢哋好有夢想，好有理念，甚至，佢哋目標好遠大。作為過來人，總係希望幫助年輕一輩，一步一步實踐佢哋嘅夢想，又或者，可以講係「我嘅夢想」！
你想外流嗎？
香港足球過去經歷高與低，好多人都會話青黃不接，香港已經無新一代球星，無人可以接棒，球員實力不進則退，負面聲音源源不絕⋯⋯當你見到鄰近亞洲地區足球發展一日千里，一定會問，點解人哋做得到？我哋做唔到？答案好簡單，外流！
日本、韓國、台灣等，其實幾年前已經開始將球員外流，將有潛質嘅青年球員外出輸送到德國、西班牙、中國等地方。所以，好多香港球員都會故步自封，認為自己香港未踢得掂，講咩外流，而呢個絕對係保守嘅諗法！點解唔可以諗，我自細到不同較高水平地方訓練及發展，即使當地唔能夠立足，回流到港都可以應付有餘，目標當然係回饋香港！
LBRO正正希望改變香港足球文化，培育香港足球下一代之餘，鼓勵球員外流，為球員提供外流機會。我哋會透過短期或長期足球訓練班、週末足球興趣班，甚至教練團隊走訪香港不同地區學校，向家長、老師、球員灌輸夢想有幾咁重要！外流幾咁重要！
Dream It, Make It！夢與想，只差一步！